القائمة الرئيسية

الصفحات

ازاي اروح مول البستان وسط البلد بالمترو والمواصلات

ازاي اروح مول البستان للكمبيوتر وسط البلد بالمترو والمواصلات
مول البستان التجاري للكمبيوتر

عنوان مول البستان التجاري للكمبيوتر وسط البلد بالتفصيل

- مول البستان للكمبيوتر موجود في ميدان التحرير وسط البلد ويعتبر في باب اللوق، موجود فيه لاب توب جديد ومستعمل, شاشات, اجهزة كمبيوتر PC, طابعات وكل حاجة ليها علاقة بالكمبيوتر بشكل عام وده اللوكيشن وعنوان المول بالتفصيل

مواعيد وايام عمل مركز البستان التجاري للكمبيوتر بالتحرير

مول البستان للكمبيوتر شغال طول ايام الاسبوع من الساعة 9 صباحا حتي 1 مساء بس يفضل تروح بدري علشان لو حصل اي ظرف وقفل بدري او اتغيرت المواعيد زي ما حصل ايام الكورونا كده.

مواصلات مول البستان للكمبيوتر وسط البلد

علشان تروح مول البستان او وسط البلد عموما فيه قدامك طرق كتيرولكن في كل الحالات لو قريب منك مترو اركبه وهقولك دلوقتي تروح ازاي المول

ازاي اروح مول البستان بالمترو

ايا كان المكان اللي انت جاي منه هتركب المترو وتروح الخط الثاني وتنزلي محطة انور السادات او محمد نجيب "بس السادات اقرب" وتخرج برا المحطة تسأل علي مول البستان هتلاقي الف مين يدلك ودي اسهل طريقة

ازاي اروح مول البستان من شبرا بالمترو

علشان تروح مول البستان من شبرا بالمترو هتركب المترو اتجاة الجيزة وتنزل محطة انور السادات وسط البلد وتخرج برا المترو في ميدان التحرير تسأل علي مول البستان هتلاقيه في وشك مباشرة تقريب 5 دقايق مشي من المترو للمول مش اكثر.

ازاي اروح مول البستان من مدينة نصر

1- ممكن تروح مول البستان من مدينة نصر بالمواصلات بأنك تركب اي اتوبيس رايح وسط البلد وتنزل في ميدان التحرير وتسأل علي مكان المول ولكن منصحكش تعمل كده لان احيانا الاتوبيس بياخد وقت لو الطريق واقف وزحمه
2- الحل الثاني انك تركب مترو كلية البنات وتروح اتجاه العتبة وتنزل العتبة تبدل وتركب اتجاة الجيزة وتنزل محطة انور السادات "التحرير" وتخرج برا المترو تسأل علي مكان المول.

ازاى اروح مول البستان من 6 اكتوبر

هتركب من الحصري او 6 اكتوبر او ميدان جهينه اي ميكروباص او اتوبيس رايح ميدان التحرير وسط البلد هينزلك غالباً في موقف عبد المنعم رياض هتتمشي حوالي عشر دقايق لحد ميدان التحرير وتسأل علي المول

ازاي اروح مول البستان من المعادي بالمترو

اسهل حاجة تروح بيها المول من المعادي هي انك تركب المترو اتجاه المرج وتنزل محطة انور السادات وتخرج برا المحطة هتمشي خمس دقايق هتلاقي المول اسأل اي حد هيدلك علي مكانه.

نصيحة: قبل ما تشتري اي حاجة اسأل في كل المحلات عنها واكتب الاسعار بتاعت كل محل معاك علي الموبايل او في ورقة "انا بعمل كده" واشتري من الارخص لانك لو مش فاهم كويس ممكن تاخد الحاجة بسعر غالي ولو هتشتري اي اجهزة او لابات مستوردة او اي حاجة مستعملة عموما اسأل في مكان واتنين وتلاته وخد معاك حد فاهم او دور علي النت كويس قبل ما تشتري. ولازم تروح لمكان موثوق منه وعارفه كويس وليه سُمعة كويسة وتشوف تقييمات المحل دة وريفيوهات الناس عليه علي الفيسبوك خصوصا ان كل المحلات تقريبا ليها صفحات علي السوشيال ميديا.
انما هوة هتلاقي فيه كل اللي انت محتاجه لاي حاجة خاصة بالكمبيوتر وصيانته بكل انواعها
أنت الان في اول موضوع
هل اعجبك الموضوع :

تعليقات

محتويات المقال