القائمة الرئيسية

الصفحات

ازاي اروح شارع المعز بالمواصلات والمترو

ازاي اروح شارع المعز بالمواصلات والمترو
شارع المعز لدين الله الفاطمي

عنوان شارع المعز بالتفصيل

- شارع المعز موجود بالظبط في الدرب الاحمر حي الجمالية في شارع متفرع من شارع الازهر بعد شارع الصاغة.
- عنوان ولوكيشن شارع المعز لدين الله الفاطمي:

 ازاي اروح شارع المعز لدين الله الفاطمي بالمترو؟

- علشان تروح شارع المعز من رمسيس بالمترو هتركب من اي محطة مترو وتنزل العتبة ومن هناك هتركب عربية سوزوكي للحسين "الموسكي والغورية" هتنزل الغوريه وتعدي الشارع الناحية التانيه هتلاقي شارع الحسين. لو ملقتش العربيات دي هتلاقي عربيات لشارع المعز علطول اسأل السواق قبل ماتركب.

- او تركب مترو وتنزل العتبة وتبدل اتجاه العباسية الخط التالت وتنزل باب الشعرية او الجيش وهتنزل تتمشي دقايق وهتبقي في الشارع.

ازاي اروح شارع المعز بالميكروباص من رمسيس؟

- من رمسيس او الشهداء هتخرج في الميدان لو انت جاي بالمترو وتدور علي عربيات الحسين هي عربيات سوزوكي صغيرة هتركبها وتخلي السواق ينزلك قريب من شارع الحسين هتتمشي شوية صغيرين لحد ماتوصل للشارع.

- او لو معاك عربية وجاي من اتجاه صلاح سالم هتنزل تحت كوبري الفنجري وبعدين تركب عربيات البنهاوي وتنزل عند باب الفتوح هتدخل هناك هتلاقي في وشك مسجد الحاكم لامر الله مبروك انت وصلت شارع المعز :)

ازاي اروح شارع المعز بالقطر؟

لو انت جاي بالقطر من اي محافظة خارج القاهرة هتنزل محطة القطر بتاعت رمسيس وتسأل علي عربيات المعز او ميكروباصات الحسين وتنزل الغورية وتعدي الشارع الناحية التانيه هتلاقي شارع المعز.
هل اعجبك الموضوع :

تعليقات

تعليقان (2)
إرسال تعليق
  1. ازاي اروح تحت البع من شبراالخيمه

    ردحذف
  2. ازاي اروح تحت الربع من شبراالخيمه

    ردحذف

إرسال تعليق

محتويات المقال