القائمة الرئيسية

الصفحات

ازاي اروح شارع الموسكي بالمواصلات والمترو

ازاي اروح شارع الموسكي بالمواصلات والمترو
شارع الموسكي

عنوان شارع الموسكي بالتفصيل

- شارع الموسكي ملوش عنوان تفصيلي يعتبر لانه شارع كبير وطويل جداً بيبدا من شارع الجيش في العتبة امتداداً للحسين والمعز والازهر...الخ
- لوكيشن وعنوان شارع الموسكي علي الخريطة:

ازاي اروح الموسكي بالمترو من شبرا الخيمة؟

 هتركب المترو من محطة شبرا او اقرب محطة ليك اتجاه الجيزة وتنزل محطة مترو العتبة ومن هناك اخرج برا واسأل علي شارع الموسكي هو مش بعيد من العتبة مشي 10د تقريباً. بمجرد ما تخرج من المحطة في العتبة هتاخد اول شارع يمين جمب الجراج وموقف الاتوبيسات بس زي ماقولت الافضل لما تخرج من مترو العتبة تسأل علي الشارع.

اروح ازاي شارع الموسكي من 6 اكتوبر؟

من اكتوبر من الموقف او من الحصري هتركب اي ميكروباص رايح رمسيس ومن هناك هتنزل تسأل علي ميكروباصات العتبة موسكي وتركب وتخلي السواق ينزلك عند الموسكي.

ازاي اروح الموسكي من بين السرايات او جامعة القاهرة بالمترو؟

هتركب مترو اتجاه شبرا وتنزل محطة مترو العتبة ومن هناك هتتمشي شوية لحد الموسكي مش بعيد من عند العتبة حوال ي 10 دقايق مشي.

اروح ازاي من مدينة نصر لشارع الموسكي؟

- هتركب من ميدان الساعة ميكروباص لرمسيس ومن رمسيس هتاخد ميكروباصات عتبة موسكي وتخلي السواق ينزلك عند الشارع.

- هتركب من محطة مترو كلية البنات في مدينة نصر وتنزل العتبة وتخرج برا محطة المترو وتسأل علي شارع الموسكي مش بعيد من العتبة حوالي 10 دقايق مشي.
هل اعجبك الموضوع :
روح وقضي كل مشاويرك بسهولة مع مشورني دليل المواصلات الافضل في مصر

تعليقات

محتويات المقال