القائمة الرئيسية

الصفحات

ازاي اروح اكوا بارك بالمواصلات بالتفصيل

ازاي اروح اكوا بارك بالمواصلات
اكوا بارك

عنوان اكوا بارك بالتفصيل

- اكوا بارك موجود بالتحديد علي طريق القاهرة اسماعيلية الصحراوي قدام مجمع العروبة السكني
- الموقع واللوكيشن: http://www.aquapark.ws/ar/index.php

اسعار تذاكر العاب اكوا بارك 2019

بالنسبة لاسعار تذاكر اكوا بارك علشان اتسألنا كتير عليها فهي كالأتي:
1- سعر تذاكر دخول الاطفال من سن 3 سنين لحد 11 سنة هي 195ج شاملة الغذاء والالعاب.
2- سعر تذاكر دخول البالغين 220ج شاملة الغذاء والالعاب.

مواعيد ملاهي اكوا بارك المائية 2019

الملاهي شغالة من الساعة 9.30 صباحاً لحد الساعة 5 مساء بس انت روح بدري افضل علشان تلحق اليوم من اوله وان شاء الله تتبسط هناك.

ازاي اروح اكوا بارك بالمترو؟

هتركب المترو وتنزل محطة الشهداء وتخرج برا المحطة وتسأل علي عربيات موقف العاشر هتركبها وتنزل موقف العاشر ومن هناك هتسأل علي ميكروباصات اكاديمية المستقبل او العبور او الشروق او اي حاجة هتعدي علي اكوا بارك اهم حاجة تتأكد من السواق قبل ما تركب.

ازاي اروح اكوا بارك من رمسيس؟

هتركب من رمسيس من الموقف ميكروباصات موقف العاشر ومن موقف العاشر اسأل علي ميكروباصات اكوا بارك او الشروق او العبور واتأكد اهم حاجة من السواق انه هيعدي علي اكوا بارك علشان متركبش عربية غلط. ممكن من رمسيس تلاقي عربيات او ميكروباصات الاسماعلية وتكون بتعدي علي اكوا بارك اسأل السواق وشوفه لو هيعدي اركب معاه علطول بدل اللفة دي

ازاي اروح اكوا بارك من اسكندرية؟

لو انت جاي من اسكندرية وعايز تروح اكوا بارك هتركب من اسكندرية ميكروباص القاهرة او تركب القطر زي ماتحب وفي الحالتين هتنزل رمسيس او محطة مصر اللي هي في رمسيس برضو من هناك هتاخد اي ميكروباص لموقف العاشر ومن موقف العاشر هتسأل علي ميكروباصات اكوا بارك او الشروق او العبور واسال السواق قبل ماتركب اذا كان هيعدي علي اكوا بارك او لا.

ازاي اروح اكوا بارك من المعادي وحدائق الاهرام بالمترو؟

لو انت جاي من المعادي او حدائق الاهرام او اي مكان قريب من المترو هتركب من المحطة القريبة ليك وتروح اتجاه المرج وتنزل محطة الشهداء ومن الموقف هتاخد اي عربية رايحة موقف العاشر وبعدين من موقف العاشر هتركب اي ميكروباص هيعدي علي اكوا بارك او ميكروباصات الشروق والعبور واتأكد مليون مره قبل ما تركب اي ميكروباص ان السواق هيعدي علي اكوا بارك.

ازاي اروح اكوا بارك من مدينة نصر؟

من مدينة نصر علشان تروح اكوا بارك قدام حلين يا تركب المترو يا تركب مواصلة:-

1- علشان تروح بالمترو هتركب من اقرب محطة ليك في مدينة نصر سواء كانت ارض المعارض او كلية البنات ومن هناك هتركب المترو وتنزل محطة العتبة وتبدل وتنزل الشهداء "رمسيس" ومن رمسيس هتركب ميكروباص لموقف العاشر وبعدين من موقف العاشر هتركب اي ميكروباص هيعدي علي اكوا بارك او ميكروباصات الشروق والعبور بس اتاكد من السواق هيعدي علي البارك الاول ولا لا.

اروح ازاي اكوا بارك من المرج؟

من المرج هتركب المترو اتجاه حلوان وتنزل محطة الشهداء "رمسيس" وتخرج برا محطة المترو وتسال علي عربيات اسماعيلية لو لقيتها اسأل السواق هيعدي علي اكوا بارك ولا لا لو هيعدي كان بها اركب معاه ، مش هيعدي هتسأل علي ميكروباصات موقف العاشر من رمسيس برضو وتركبها ومن موقف العاشر هتركب ميكروباصات اكوا بارك او الشروق او العبور وتتاكد من السواق انه هيعدي علي الملاهي المائية.

اروح ازاي اكوا بارك من الجيزة؟

 من الجيزة هتركب مترو اتجاة شبرا وتنزل محطة الشهداء اللي هي رمسيس ومن هناك هتركب ميكروباصات اسماعيلية واسال السواق هيعدي علي اكوا بارك ولا لا ، لو قالك لا هتركب عربيات موقف العاشر وتنزل الموقف ومن هناك هتاخد ميكروباصات اكوا بارك او الشروق او العبور وتتاكد من السواق اهم حاجة انه هيعدي علي البارك او لو انت قريب من الدائري تشوف عربية مباشرة للبارك علطول هي مش بعيدة من الدائري بالعربية.
هل اعجبك الموضوع :

تعليقات

محتويات المقال