القائمة الرئيسية

الصفحات

ازاى اروح القرية التكنولوجية في المعادي بالمواصلات

ازاى اروح القرية التكنولوجية في المعادي بالمواصلات
القرية التكنولوجية في المعادي

عنوان القرية التكنولوجية في المعادي بالتفصيل

- المنطقة او القرية الإستثمارية التكنولوجية بالمعادى موجودة بالظبط في عزبة فهمي حي المعادي جمب مسجد القرية التكنولوجية  قريب من شارع اللاسلكي.
- رابط الموقع واللوكيشن: http://www.mcit.gov.eg/Ar

ازاي اروح القرية التكنولوجية في المعادي بالمترو

1- اياً كان محطة المترو اللي انت جاي منها هتركب عادي وتروح اتجاه المرج-حلوان وتنزل محطة المعادي وتعدي الناحية التانية اتجاه المرج وتسال علي عربيات صقر مؤمن هتركبها وتنزل الاخر واتاكد من السواق انه هيعدي علي القرية وتخليه ينزلك شارع اللاسلكي ومن هناك اسأل علي مبني راية الجديد القرية في الشارع ده قريبة منه جداً.

ازاي اروح شركة اكسيد القرية التكنولوجية المعادي؟

2- ممكن تنزل برضو محطة مترو سكنات المعادي وتركب الباصات لو انت رايح شركة إكسيد بيجي باص كل ساعة وده اسهل حل ليك لو انت عايز تروح الشركة او عندك انترفيو هناك.

ازاي اروح المعادي من اسكندرية؟

هتركب من اسكندرية اي حاجة للقاهرة سواء قطر من محطة مصر في اسكندرية او ميكروباصات القاهرة الاتنين هينزلوك رمسيس من هناك هتركب المترو اتجاه حلوان وتنزل المعادي وتركب ميكروباصات مؤمن او صقر وهينزلوك هناك اسال السواق بس علشان ينزلك قريب منها او تنزل ثكنات المعادي وتركب باصات شركة إكسيد هي بتيجي تقريباً كل ساعة وده افضل حل يعتبر.

اروح ازاي القرية التكنولوجية في المعادي من اكتوبر؟

هتركب من 6 اكتوبر ميكروباص من الموقف او الحصري ينزلك رمسيس ومن هناك هتركب مترو اتجاه حلوان وتنزل محطة المعادي وتركب عربيات صقر او مؤمن وتخلي السواق ينزلك عند شارع اللاسلكي ومن هناك هتتمشي للقرية.

من محطة مترو محمد نجيب اروح ازاي القرية التكنولوجية؟

هتنزل محطة مترو السادات او رمسيس وتروح اتجاه حلوان وتنزل محطة مترو المعادي وتخرج برا المحطة تسأل علي عربيات صقر او مؤمن وتتاكد من السواق انه هيعدي علي القرية وتخليه ينزلك شارع اللاسلكي او مبني راية وتتمشي من هناك للقرية.

اروح ازاي القرية التكنولوجية من مدينة نصر بالمترو؟

1- هتركب اي تاكسي من مكانك لمحطة مترو كلية البنات او ارض المعارض وتنزل محطة مترو العتبة وتبدل من هناك وتنزل محطة الشهداء او السادات وبعدين تبدل لاتجاه حلوان وتنزل محطة مترو المعادي وتركب ميكروباصات صقر او مؤمن وتخلي السواق ينزلك القرية هي قريبة من شارع اللاسلكي ومبني راية الجديد. قول للسواق بس وهو هيدلك عليها لما تيجي تنزل.

 2- او من الاول تركب من عند طريق النصر اي حاجة ماشية اوتوستراد وتتاكد من السواق قبل ما تركب هيعدي عليها ولا لا وهتنزل عندها بالظبط لو السواق هيعدي عليها.

اروح ازاي القرية التكنولوجية من العباسية؟

 هتركب من العباسية ميكروباصات حلوان وتخلي السواق ينزلك لما تيجي هتنزل عندها بالظبط ان شاء الله.

ازاي اروح  القرية التكنولوجية من فيصل؟

اركب المترو وانزل محطة السادات ومن هناك هتبدل لاتجاه حلوان وتنزل محطة مترو المعادي وبعدين هتخرج من المترو تركب ميكروباصات مؤمن وتنزل الاخر وهتتمشي دقيقتين هتلاقي نفسك عندها اسال اي حد من هناك هيدلك علي مكانها.

ازاي اروح القرية التكنولوجية في المعادي من المقطم؟ 

هتركب من المعادي ميكروباصات السيدة عائشة وتنزل العزبة او اليافطة ومن هناك هتعدي الشارع الناحية التانية وتركب المترو اتجاه حلوان وتنزل محطة المعادي ومن هناك هتاخد ميكروباص صقر او مؤمن وتنزل الاخر وتتمشي خطوتين من هناك للقرية.
هل اعجبك الموضوع :

تعليقات

تعليقان (2)
إرسال تعليق
  1. اذاي مبني البريد اللي في القريه التكنولوجيه

    ردحذف
  2. هل يوجد مواصلات بالليل بعد الساعه واحده صباحااااا اقصد يوجد ميكروباصات فى وقت متاخر

    ردحذف

إرسال تعليق

محتويات المقال