القائمة الرئيسية

الصفحات

ازاي اروح سيتي ستارز مدينة نصر بالمواصلات

ازاي اروح سيتي ستارز مدينة نصر بالمواصلات
سيتي ستارز مدينة نصر

عنوان سيتي ستارز مدينة نصر بالتفصيل

- سيتي ستارز موجود بالتحديد في شارع عمر بن الخطاب مساكن المهندسين بجوار مسجد القوات المسلحة مدينة نصر.
- رابط الموقع واللوكيشن:  http://www.citystars-heliopolis.com.eg/ar

ازاي أروح سيتي ستارز من الزقازيق ؟

علشان تروح من الزقازيق سيتي ستارز فيه قدامك طرق كتير بالمترو او القطر او مواصلات وهنقولك كل الطرق الممكن دلوقتي بالتفصيل:

ازاي اروح سيتي ستارز من الزقايق بالميكروباص

1- هتركب من موقف الاحرار اي ميكروباص رايح رابعة بس اتأكد من السواق انه هيعدي علي المول وخليه ينزلك قدامه ومن هناك ممكن تدخل من اي باب عادي.

 ازاي تروح مول سيتي ستارز من العاشر من رمضان

2- اركب اي مواصلة او ميكروباص للعاشر من رمضان ومن هناك هتركب لمدينة نصر وتقول للسواق ينزلك اول مكرم واتمشي من هناك للمول المسافة مش بعيدة حوالي 10د مشي تقريباً، المشي حلو برضو :)

اروح ازاي سيتي ستارز من الزقازيق بالقطر

بما ان فيه ناس كتير جداً بتفضل القطر دايما وانا منهم وبما ان القطر من المواصلات الرخيصة جداً واللي يكاد يكون بيروح كل مكان في مصر تقريبا فـ علشان تروح من الزقازيق للمول بالقطر هتركب القطر عادي للقاهرة هو اخره رمسيس ومن هناك هتخرج تركب اي اتوبيس او ميكروباص لمدينة نصر وتقول للسواق ينزلك قدام المول علطول، بس الافضل اركب ميكروباص لو حسيت ان الطريق واقف لان الاتوبيسات بتاخد وقت لانها بتلف كتير علشان ليها مسار بتمشي عليه.

ازاي اروح سيتي ستارز مدينة نصر بالمترو

1- المترو يعتبر اسرع مواصلة ووسيلة نقل في القاهرة وعلشان تروح مدينة نصر بالمترو هتركب من اي محطة للخط الثالث في المترو وتنزل محطة مترو العباسية ومن هناك في شارع الطيران اركب ميكروباص للمول مباشرة أو:

2- اركب من اي محطة مترو للخط الثالث وانزل محطة كلية البنات هي تقريبا مسافة 15د عن سيتي ستارز بس هتركب اي تاكسي للمول ولو مش حابب ممكن من عند مترو البنات تركب اي تاكسي لشارع النزهة هياخد 10ج بالكتير وتركب اي ميكروباص رايح اخر الشارع ميدان الساعة وقول للسواق ينزلك عند سيتي ستارز او اخر السور وهتتمشي خطوتين هتلاقي مباني المول في وشك ادخل من اي بوابة ومبروك عليك انت وصلت.

3- او الاسهل ليك انك تركب المترو مباشرة وتنزل محطة الشهداء ومن هناك تاخد ميكروباص او اتوبيس مدينة نصر- اول مكرم- اول عباس وتقول للسواق ينزلك عن سيتي ستارز او تاخد اتوبيس لسيتي ستارز بيبقي مكتوب عليهم واسال السواق برضو علشان متركبش غلط.

4- اركب المترو وانزل محطة مترو سراي القبة "خط حلوان - المرج" ومن هناك هتخرج برا المحطة وتسأل علي ميكروباصات مدينة نصر وتخلي السواق ينزلك عند المول. والافضل لو انت ساكن في القاهرة تسأل علي عربيات مكرم او اول عباس وهتلاقيها كتر اركبها واتمشي للمول علطول بدل ما تلف كتير في المواصلات.

ازاي اروح سيتي ستارز من حدائق المعادي؟

هتركب من المعادي للمترو اتجاه المرج وتنزل الشهداء ومن هناك هتاخد اي ميكروباصات او اتوبياسات مكرم او اول عباس او مدينة نصر وتخلي السواق ينزلك عند مول سيتي ستارز.

ازاي اروح سيتي ستارز مدينة نصر من 6 اكتوبر؟

هتركب من اكتوبر او الحصري اي ميكروباص لرمسيس ومن هناك هتركب ميكروباصات اول عباس او مكرم او اي اتوبيس مدينة نصر وخلي السواق ينزلك قدام المول.

اروح ازاي سيتي ستارز من الشيخ زايد؟

من الشيخ زايد هتركب اي حاجة للحصري ومن هناك هتلاقي عربيات كتير رايحه رمسيس اركبها وانزل رمسيس وبعدين اركب ميكروباص مدينة نصر - اول عباس - مكرم عبيد وخلي السواق ينزلك عند المول.

اروح ازاي سيتي ستارز من جامعة القاهرة؟

1- هتركب المترو اتجاه شبرا وتنزل محطة الشهداء "رمسيس" وتنزل تخرج برا المترو تاخد اي ميكروباص رايح مدينة نصر او اول عباس او مكرم عبيد وتنزل عند المول قول للسواق بس واتاكد منه انه هيعدي علي المول وخليه ينزلك قدامه.
هل اعجبك الموضوع :

تعليقات

محتويات المقال